Addaaf addunyaa argadhu!
Dhala ke irratti haara-galfadhu!
Dubbii hamaa fi du’a hamaa ofkoli
Nagaan ba’ii nagaan gali
Halagaan fira siif haa ta’u!
Firri immoo mar’ummaan siif haa ta’u!
Kan si arge si haa jaallatu!
Kan si gaadu si haa baqatu!
Ol adeemi akka tulluu
Cooma nyaadhu akka mulluu
Calaqqisi akka urjii
Guuboo toli akka gujjii
Afaanke soogidda haa ta’u
Barri ke bara waaqaa haa ta’u
Hin du’iin dulloomi
Dullumaan dargaggoomi
