walaloo/poem

Haqa namaas fe’adhee
Akka konkolaataatti
Millikoos gadinjedhu
Akka obonboleettii
Huubas lafa hinbuusu
Akkuma bubbeetti

Oliif gadin kaadha
Samiif lafa gidduu
Duumessas uffadhee
Hin qabu gaaddidduu
Koo yeroo hundaa
Harrabaan nama hidduu
Namas gerger baasuudha
Seenee nama gidduu

Akka bishaan gabateerraan
Asiif achi raafama
Namuma hundaanin
Oola Arrabsamaa
Yaarabbi badiikoo kana
Naaf godhi dhiifama

Dhaabadhee luugama hin nyaadhu
Akka durii dachiirrattis gororee
Bishaan gabateerraas hinta’u
Asiif achi goggoreeeeeeeeee

Burraaqeen ofirraa baasa
Luugamaafi kooraaa
Maaliif abbaan barbaade
Dugdakoorra kora

Nadhiisi yaabooke
Obboleetti kanniisaa
Yoodidde akka gaaguraattin
Xaxee sifannisaaaaaaa

Luugamaan bishaan dhugee
Kooraadhaan sinbaadhu
Imaanaa fardaaf shimalaa
Nan bada malee hin nyaadhu

Halaakaan harree hindhowwu
Himimsuu fardaa
Goleettis sin hiine
Akka dhiittuuf gaadaa
Dugdatti foonkee baatta
Kanaaf waraabessi sigaada

Duraanuu sibeeka
Ati fardaa gadi
An duunaanis jetta
Dacheenis hin margin
Dacheen sichi margiti
Ati du’iii darbiiiiiiiiii

Hamma feetes halaaki
Farda hinxuqin malee
Gabaabbadhus hinjedhiniin
Dubbattee akka malee