Jireenyi kee gaariis ta’ee yaara dhihee yeroo sif bari’uu galataa dhiyeessun jireenya kee keessatti akka ati yeroo hundaa gammachuun guyyaa biraa abdiin egaattuf sif gargaraa.

Waaqayyoon arjummaa isa tannaan dukkannaa limxii keessa si dabarsee ifaa haaraafi guyyaa haaraa akka argittuuf umurii kee irratti waan sif dabaleef ganamaa hiribaa ka’uun galateeffachun sif ni ta’aa. Kunis gammachuu ati guyyaa sana hin yaadne sif kennuun olmaan nagaafi jaalalaa akka oltuuf si gargaraa.

Yeroo amma bakkewwaan garagaratti haalli jirenya, dhibbaan siyaasafi dinagdee akkasumaas wantoonni garagaraa rakkisaa yeroo jiruutti ati garuu nageenya argattee akka barbaaden battee galtee, oltee bulaa jiraatas waan ta’eef galata dhiyeessuun sirraa ni egamaa.

Olmaan nagaan olteef galataa dhiyeessi. Galgaalli dukkana’ee akka sif bari’uuf galataa dhiyeessi. Bakka turtee bakka jirtuu yaadachun galataa dhiyeessi.

Garuu, sababaa ittif galata dhiyeesituu hin qabdu tannaan waanti tokkoo akka sitti hir’aatte jiruu yaadi. waan sitti hir’aatte kanas nama bira osoo hin tannee ati ofii keetti barbaade argachuu qabda.

Waan haaraa argachuu barbaada tannanis ati yeroo hundaa galataa dhiyeesuu siif ni ta’a.

Galataa dhiyeesuun qofa isaa galataa qofaa kan jedhuu osoo hin tannee, galannii kadhannaas akka of keessa qabuu hin dagattiin.

Galataaan dhiyeessa jettee yeroo yaadetti, achumaan kadhachaas akka jirtuu yaadatti qabadhu.

Namnii tokkoo yeroo galata dhiyeessuu, Waaqayyoon wamuun isaa waan hedduun akka isaaf dabaluu ta’aa malee waan isa jala hir’aattu hin jiru.

Egaa yaa waaqayyoo, na uumtee yeroo hundaa dabarsitee ifa haaraafi guyyaa haaraa waan naaf lattef sin galatteeffadha lapheefi yaada jedhuu qabachuun ogumaa guddaadha.