Maatiiwwaan Waaqayyoo; Baga hundii keessan caba lafee, buruquu foonii dhangala’uu dhiigaa Kiristoos isiin bararree guyyaa inni ofi isaatti waa’ee keenyaaf jedhee: Nuuf cabee, nuuf buruqqee, dhiigaasaa qulqulluuf nuuf jedhee dhangalassee, maddaa keenyaa fayyisuuf jedhee nuuf madda’ee, bilisaa nuu baassuf jedhee akka garbichaa ta’ee Guyyaa Fannifamuu isaattin isiin ga’ee. Guyyaa har’a: (Mat. 27 : 1 – 65 ) Guyyaa itti kennaa haadhumaa argannee (Yoh. 19:26 – 27) Guyyaa itti Kiristoos cinaachi isaa nuf waraanamee (Yoh. 19:34) Guyyaa itti Kiristoos garbummaa seexanaa jala Adaamifi ilmaan isaa hundaa bilisaa baassedha, Guyyaan har’aa guyyaa itti raajjin gurguddaa ta’eedha. Guyyaa itti biiftuun dukkanoofteedha, Guyyaan Yihudaan haxxumaan jannataan gala jedhee Si’ool jalqabaa liixedha, Guyyaan itti Addam sirnaa kadhannaa “Kadhannaaf ka’aa” jedhedhaa. Guyyaa itti dhali nama bilisummaa argatteedha. Yaa ijoollee Waaqayyo, Kiristoos si’aa tokkoofi si’aa tokkoo qofa fayyinaafi dhiigaafi foon isaa si latee jira. Kunis fayyinaa lafa irraa hin deebi’amneedha. (Gal 4:4-7, 5:1, ) Yaa nama dagattee lamaffaa kiristoos fannoorratti du’ee na fayyisaa jedhee bittaafi garbummaa seexanna jala akka of hin galchinee. Kiristoos lamaaffaa kan inni dhufuu murtee dhumaaf malee du’aa lamaffaa sif du’uuf miti. Yaadan qabbi hin dagattin Kiristoos tokkoo qofa sif du’ee jira. Inni Waaqadha akka ati fayyinaa bara baraa argattuu sif du’ee. Waddaa Addaamiifi Ijoollee isaaf galee rawwaatte. Ati har’aa lakkii hin ta’uu jette harkaa seexanna jala akka of hin galchinee. Gara Waaqayyootti yeroon deebi’aan har’a; har’a keessas amma akkuma qulqulluun Phawuloos jedhee gara fayyinatti deebi’aa. Waaqayyon kan yeroo kanan nu ga’ee ammas guyyaa du’aa ka’umsaa isaan nu ga’uun akka nutti “Kiristoos Du’aa Mo’ee ka’eerraa” jenne isa faarfannuu nu haa taasisu. Eebbii Abbaa, Jaalalii Ilmaa tokkichumaan Afuurraa qulqulluu, kadhannaan haadha keenya qulqulleetti dubro Maariyaam, Eegumsii ergamoota qulqulluu, kadhannaan dukkaa bu’oota, kan raajjota, kan abbootaa qulqulluu biyya keenya Itiyoophiyaa, amantaa keenya kirstaana Ortodooksii, ummataa kiristaana maraa bakka jiruufi jiraannutti nuuf haa baay’aattu. Ameen.