Sirnaa qiddaasse jalqabaa irraatti egaalle, Gooftaa keenya Iyeessus Kiristoos. Guyyaa gaafa kamisaa galgallaa sirnaa qurbannaa raawwattee.
- Wangellaa qulqulluu Maatiwoos 26:26-28 =>Utuu nyaachaa jiranii, Iyesus buddeena fuudhee, eebbisee cabsee bartoota isaatiif kennee, “Fudhadhaa nyaadhaa, kun dhangaa kooti!” jedhe.
- Wangeellaa qulqulluu Luqaas 22:14-38 => Yeroon itti irbaata Faasikaa nyaatan geenyaan, Iyyessuus ergamooota isaa wajjiin maaddiitti taa’e. Inni isaaniin “Dhiphachuu koo fuul dura irbaata Faasikaa miilanaa isinii wajjiin nyaachuudhaaf garaa koo guutuu hawweera…….”
- Wangellaa qulqulluu Maarqos 14:17-25 =>Yommuu galgalaa’e Iyyeessus bartoota isaa kudha lamaanii wajjiin in dhufe. Maaddiitti taa’anii nyaachaa utuu jiraniis Iyesuus, “Dhuguman isiniin jedha, isin keessaa, inni tokko, dabarsee na kennuuf jira” jedhe…..
- Wangellaa qulqulluu Yoohannis 6:53-59 =>”…..Iyesuus immoo “Dhuguma, dhuguman isiniin jedha, isin foon ilma namaa yoo nyaachuu dhaabaattan, dhiiga isaas yoo dhuguu dhaabattan, jireenya of keessaa hin qabdan. Eenyu illee foon koo kan nyaatu, dhiiga koos kan dhugu jireenya bara baraa qaba; anis guyyaa isa dhumaatti du’aa isa nan kaasa. Foon koo dhuguma nyaata, dhiigni koos dhuguma dhugaatiidha. foon koo kan nyaatu, dhiiga koos kan dhugu ana keessa ni jiraata, anis isa keessa nan jiraadha. Abbaan inni jiraatan akka na erge, ani immoo sababii abbaatiif akkumaan jiraadhu, namni foon koo nyaatu immoo sababii kootiif ni jiraata. Isa kana buddeenni, inni waaqa irraa gad bu’e; akka isa abaabiliin keessan nyaatanii, booddee immoo du’anii miti; buddeena kana kan nyaatu bara baraan ni jiraata” jedha.
- Ergaa qulqulluu Phawulos gara warra Qorontoos isaa tokkooffaa 11:23-26, => Barsiifni ani isinitti dabarse, isuma ani gooftaa biraa fudhadhe ture. Innis, Iyesuus Gooftaan halkanuma itti dabarfamee kenname sanatti buddeena fuudhee, Waaqayyoon galateeffatee, buddeenicha cabsee, “Inni isiniif cabe kun dhagna kooti, kanas seenaa kootiif godhadhaa!” jedhe. Erga nyaatanii booddees akkanuma sanatti xooficha fudhatee, “Xoofoon kun kakuu isa haaraa, dhiiga kootiin dhaabatuudha; yeroodhuma isa keessaa dhugdanitti seenaa kootiif godhadhaa! jedhe. Yeroodhuma buddeena kana nyaattaniiti, yeroodhuma xoofoo kana keessa dhugdanitti hamma gooftaan deebi’ee dhufutti akka inni [namootaaf] du’ee ni labsitu.
Sirnaa qiddaassee amma kana qoophessaan Qulqulluu Abbaa Baasiliyoos Zeqisarriya.