Category Archives: Barumsaa

Barumsaa

Waadaafi Araarsummaa Qulqullootaa

Leave a comment

Waadaafi Araarsummaa Qulqullootaa
Waadaafi araarsummaan qulqullootaa yeroo hundaaf kan jiraatuudha. Kanas yemmuu jennuu, qulqullootni kan Waaqayyoon waliin walitti nama araarsan, yeroo lubbuun jiranis, erga boqotanis. Yeroo lubbuun jiranitti, araarsummaan isaan raawwatan hedduu kan ta’e fi seenawwan araarsummaa isaanis, kitaaba irraa baldhinaan kan hubannuudha. Araarsummaa qulqullootaa erga boqotani boodas ammoo kan itti fufu ta’u isaa
• Mul. 14:13 “Hojiin isaanii isaan faana bu’a jechuun qulqulluun Yohaanis mul’ataa isaa keessatti ibsee jira.
Dabalataanis, qulqullootni erga boqotanii booda araarsummaan isaanii kan itti fufu ta’uusaa, seenawwan kitaaba qulqulluu irraa nu hubachisan keessaa, muraasa qofa kaasun ni danda’ama. Isaan keessaa tokko. Raaja Eelsaafi seenaa namicha du’eeti. Raajaa Eelsaan yemmuu lubbuun turetti, nama du’e du’aa akkuma kaase. erga boqotee booda kennaan akkasii sun akka irraa hin fudhatamne, dabalees, nama biraa kan du’e akka kaase, seenaa kanaa gadii kana irraa ni hubanna.
• Ergasii Elsaan du’ee ni awwaalame,waggaa isatti aanee dhufutti ji’a birrati, saamtonni Mo’aab, biyya sana ni lixan, yeroo sanatti jarreen tokko nama awwaaluuf dhaqan warra saamtota sana erganii reeffa namicha holqa Elsaa’i itti awwaalametti ni darbatan. reefi namichaa garuu, lafee Elsaa’itti akkuma bu’en lubbuun isaa itti deebite, kanaaf: namichi ka’ee ni dhaabate (2Mot 13:20).
Akkasumas ammoo, yeroo fooniin turetti namoota gara Waaqayyooti araarsaa kan ture Abirahaam, (Uma. 20:7, Uma 18:25), erga boqote boodas hojii akkasii kana itti fufuu ta’uu isaa kitaabarraa ni hubanna. Kunis,
• Seenaa Alaazariifi Nawee ilaaluun ni danda’ama (Luq. 16:19). Duuka bu’aa
• Qulqulluu Yihudaan ergaa isaatiin kan ibse, (Yihuudaa 1:14), Heenook kitaaba isaarratti akkas jedha “iji koo bakka ergamootaafi qulqulluuwwan wajjin jiraatu arge, ilmaa namaafis cimsanii kadhatu” (Henook 9:22) jechuun araarsummaa qulqullootaa Ibseera.
• Gaara Taaboor irrattii Museefi Eeliyaas akka argamanii Iyyesuus wajjin dubbatan dhagahee Pheexroos, maaloo godoo sadii haa ijaarru. tokko Museef. tokko Eeliyaasiif tokko si’iif akkuma jedhe (Maat 17: l). (Muldhata Yohannis 6:9).
Waaqayyoo qulqulloota hundaaf waadaa galeeraaf.
• Kanan filadhe waliin waadaa seeneera” (Faar 88:3), akkuma jedhu, Waaqayyo namoota isaaf amanaman hundaaf waadaa galeera, jechuudha.
• Waadaan seene hin diigu waanan dubbadhe hin jijiiru. akkuman Dawititti hime yeroo tokko qulqullummaa kootti dubbadheera (Faar 88:34) jedha.
Waadaa qulqullootaa irraa akka fayyadamnu kitaabni:
• “Isaan xixinnaayyoo kana keessaa isa tokkoof maqaa duuka bu’oota kootiin bishaan qahbanaa’aa qofa kan obaasu, yoo jiraate dhugaa isinan jedha, gatiisaa hin dhabu”(Mat. 10:42).
Kana olittis, Gooftaan duuka bu’ootaaf, gaafa ardii fi samii dabarsuuf dhufu, akka isaan namoota irratti murteessanis aangoo kenneefii jira.
• Dhuguman isinitti hima kan na duuka butan isin dhaloota isa lammaffaatti ilmi namaa teessoo isaa kabajaa irra yemmuu taa’etti, isinis teessoo kudha lamaan irra ni teessu gosoota Israa’el 12 irrattis ni murteessitu (Maat 19:28)
Qulqullootni waadaa yemmuu lubbuun jiran kennameef sanatu, araarsummaaf gargaara malee erga du’anii booda soomuun, bu’anii ba’uun, dadhabuun ni jira jechuuf miti. Solomoonis,
• Namni tolaan (qulqulluun) erga du’ee booda, namoota hamoo lubbuun jiraatan irratti ni murteessa (Kitaaba ogummaa 4:16) jedha.
Raajaa Museenis immoo, Waaqayyoon yoo kadhatu.
• Abboota keenya Abrahaam, Yisihaaq Yaaqoob yaadadhu jedhee kadhateera (Ke. De. 13:14).
• Wangeela Luqaas 1:71 irrattis, “waadaa abboota keenyaa yaadate” jedha.
• Hojiin araarsummaa kan jiru garuu, hanga ardiifi samiin kun darbutti malee, sana booda ni dhaabbata (Hiz. 14:20).
Waaqayyoo yeroo nutti lubbuun jiruutti waan gaarii hojjenne gara isaatti deebinne dhaaltu mootummaa isaa hirmaattu maddii isaa kan bara baraa nuu haa taasisu.
Galanni Waaqayyoof haa ta’u. Ameen!

Barumsaa

Guyyaan Ayyaanaa Maali?

Leave a comment

Guyyaan Ayyaanaa Maali?
Ayyaanni guyyaa gammachuu, kabajaa, galataa, yaadannoo, boqonnaa, guyyaa yeroo kaan irra haala adda ta’een itti dabarsinuudha. Ayyaanonni hojiiwwan afuuraatiin, sooman, sagadaan, kabajamanis jiru. Jireenya bara baraa caalatti kan ittin hawwinuufi ittin yaadannuudha. Kakuu moofa keessatti, Israa’eloonni ayyaana garaa garaa kabajaa akka turan, barreeffamootni kitaaba qulqulluu keessatti argaman dhugaa bahu.
Ayyaana kabajuun kan eegalames, fedhii Waaqayyootiin akka ta’e Seera Uumamaa iraa ni hubanna.
• Uma 2:1-2 Waaqayyo guyyaa torbaffaa (sanbataa) hojii isa hunda irraa ni boqate.
Waaqayyo hojii isaa irraa boqote yemmuu jennus, dadhabee yookiin ittii dhihee yookiin haara galfiin isa barbaachisee osoo hin taane, kabaja guyyaa sanaa ibsee, nutis akka guyyaa sana boqonnee kabajnuufi. Guyyaawwan jiran keessaa, guyyaa adda ta’an ayyaana godhani kabajuunis, yeruma sana eegale. Kanaaf, ayyaana kabajuu kan eegale Waaqayyoo jechuudha. Haala kanaan, kakuu moofaa keessatti ayyaanni jalqabaa guyyaa sanbata xinnaa ture.
Abboommii Museef kenname irratis guyyaa sanbataa yaadadhu kan jedhame isuma kana. Dabalataanis, kakuu moofaa keessatti Yihuudoonni ayyaana Faasikaa/lrra-darbuu, Seewiit, Metsellet, guyyaa Malakataaf Faaggaa, guyyaa haaromsa mana qulqullummaa ayyaana Furiim fi ayyaanota biroos kabajaa turan, kabajuu irrattis argamu Yihuudonni ayyaana kan kabajan,
• hojii foonii hojjechuu dhiisuudhaan (Lew 23:3),
• aarsaa dhiheessuun (Lakk 28:9),
• gara mana qulqullumma dhaquudhaanifi kan kana fakkaataniini.
Kakuu haaraa keessattis, gooftaan keenya Iyyesuus Kiristoos ayyaanotaa gara garaa kabajuuf, gara Iyyeruusaaleemitti ba’aa akka ture barraa’ee jira. Fakkeenyaaf,
• Ayyaana Faasikaa kabajuuf, maatii isaa wajjiin gara Iyyeruusaleem dhaqee achumatti akka hafe ibsameera (Luq. 2:41-43).
• Yohannis 2:13 irrattis, gooftaan gara Iyyeruusaleem akka dhaqe ni ibsa.
Egaa, akka mana kiristaanaa Ortodooksii Tawaahidootti, ayyaanotni akka
• Sanbattan lamaanii,
• Ayyaana gooftaa Iyyasuus Kiristoos gurguddoo saglan (jechuunis,
o guyyaa nama ta’ee gadaamessa Dubroo Maariyaamii keessa bule (Tisbi’iit),
o guyyaa Dhalootaa isaa,
o Cuuphaa,
o Hosaayinaa,
o Guyyaa Fannifamuu,
o Du’aa ka’uu,
o 0l Bahuu,
o Pharaqlixoos,
o DabraTaabor/Taaboree/) akkasumas,

• Ji’a keessatti ayyaanonni qannoodhaan kabajaman lakkofsan sadi yoo ta’an, isaanis
o Guyyaa dhaloota Gooftaa keenyaa yeroo hundumaa ji’a keessatti guyyaa 29,
o Yaadannoo haadha keenyaa qulqulleettii Dubroo Maariyaam, guyyaa 21 tti, akkasumas,
o Ergamoota keessaa kan qulqulluu hangafa ergamootaa Qulqulluu Mikaa’eel, guyyaa 12tti bakkaa fi nannoo kamittuu akka kabajamu qaban ta’eera.
Ayyaanotni kanneen biroon garuu, ji’a keessatti guyyaa tokkoo hanga sodommaatti kan jiran, ayyaanni waggaa isaanii kan kabajamuu fi uummanni dabrii sanatti tajaajilamu ji’a ji’aan kan kabajuudha. Mana kiristaanaa keenya keessatti, guyyaan hojiin qulqullootaa itti hin yaadatamne hin jiru. Waggaa hanga waggaatti, guyyaa tokkotti seenaa fi qabsuura isaan raawwataniin
walqabatee, qulqulloota hedduutu yaadatama.
Galanni Waaqayyoof haa ta’u. Ameen!

Barumsaa

Yaadannoo Qulqullootaa

Leave a comment

Yaadannoo Qulqullootaa
Guyyaalee Waaqayyo qulqulloota isaa irra bulee hojii ajaa’ibaafi adda ta’e itti raawwatu, guyyaan sun guyyaa yaadannoo addaa ta’ee, kan itti yaadatamuufi kabajamuudha.
• Far.110/111:4 Ajaa’iba isaatiif yaadannoo teessifate jedhu,
Kunis guyyaa Waqaayyo hojii dinqisiisaa itti raawwate, wanta Waqaayyo guyyaa sana nuuf raawwate yaadachaa, dandeettii, ol’aantummaa, arjummaa isaa akka ittiin hubannuufi yaadannuuf akkasumas, qulqulloota inni guyyaa sana kabajee hojii addaa akka hojjetan taasise, kan itti yaadannuudha. Guyyichis, guyyaa ayyaana yaadannoo qulqullootaa jedhama. Qulqullootni haala kanaan yaadatamanis, amantaa isaaniif jecha warra gadadoo garaa garaa arganii darban yemmuu ta’u, isaanis, akkuma qulqulluu Phaawulos
• Ibr. 11:33 Isaan amantaadhaan mootota injifatan, qajeelina raawwatan, abdii kennames ni argatan, afaan leencotaa ni cufa, humna abiddaa balleessan, qara seefii jalaa ni miliqan, dadhabbina isaanirraa ni jajjabaatan, waraanan cimoota ta’an, raayyota alagaa ni ari’atan. Dubartoonni du’oota isaanii du’aa ka’uumsan simatan; warri kaanis fayyina argatan,du’aa ka’uumsa isa caalu akka argataniif hanga du’aatti reebaman; kanneen biroonis itti yaa’inamee reebamuun kanaan olittis hidhamudhan mana hidhaatti qoraman; dhagaadhaa reebamanii du’an, ni qoraman, magaaziidhaan baqaqsaman, seefiidhan ajjeefamanii du ‘an, hundumaa dhabanii gidiraa simachaa dhiphachuun kallee hoolaafi re’ee uffatanii jooran ;addunyaan kan isaanii waan hin taaneef gammoojjiifi tulluurra holqaafi boolla keessa jojooran. jedhe dubbate.
Yaadannoon isaanii kunis, fedha Waaqayyoo ta’uu isaa kitaaba qulqulluu irraa ni hubanna.
• Isa 56:4 Waaqayyo sanbatoota koo kan eegan wanta nama gammachiisanis kan filataniif, jecha waadaa xu’aashota koo qabaataniif akkas jedha “manaafi dallaa koo keessatti maqaa yaadannoo, ijoollee dhiirufi dubartii kan caalu nan kennaf, maqaa hin badness kan bara baraa kennaaf”jedha.

Jireenya biyya lafaa naannoo kamittuu namni kamiyyuu erga addunyaa kanarraa boqatee boodå, maatiifi ijoollee isaa biratti wanta gara garaatiin yaadannoon isaa ni raawvatamaaf. Fakkeenyaaf, namoota waan gaarii addanyaa kanarratti raawwatanii darbaniif, yaadannowwan akka siidaa, moggaasa mana barumsaa, hospitaalaa, magaalaafi kan kana fakkataniin dhaloota keessa akka hin irranfatamneef, maqaan ni kennamaaf. Yoo yaadannoon kan biyya lafaa akkana ta’a ta’e, dhimma amantaa isaaniif jecha Waaqayyoo isaaniif amanamanii, lubbuu isaanii dabarsanii kennan, qulqullootni ammoo, caalaatti yaadatamuu akka qabu eenyu jalayyuu kan dhokate miti.

Yaadannoon qulqullootaas akka seera mana kiristaana Ortodooksii Tawaahidootti kan raawwatamu: – Manni kiristaannas maqaa isaaniitiin Taabota moggaasuuun, kadhannaafi sirna kabaja ayyaana addaa qopheessuun, Xabala maqaa isaaniitiin moggaassun, xoofoo maqaa isaanitiin dhuguun, walumaa galatti, guyyaa yaadannoo isaanii sana gaarii kamiyyuu maqaa isaaniitiin raawwachuun yaadannoon isaanii raawwatama.

Yaadannoo qulqullootaa wanti adda taasisu ammoo, yaadannoon isaanii dhaloota tokko qofa irratti kan dhaabatu kan hin taaneefi bara baraaf kan itti fufu ta’uu isaati. Kanaaf macaafa qulqulluu keessatti,
• Faar.l1:6 “Yaadannoon tolootaa, baraa hanga baraatti”
• Ba’u 20:6 kan na jaalataniif; ajaja koos kan eegan hanga bara kumaatti dhiifama kanan taasisu ani Waaqayyoodha” jedha.
Kana jechuun isaas ammoo, araarri fi dhiifamni isaa bara kumaan qofa lakkaawamee kan daangeffamu osoo hin taane, hanga bara dhuma hin qabneef ta’uusaa ibsuufi. Yaadatamuun qulqullootaa ammoo, akkasumaan wanta bu’aa fooniifi lubbuuf hin qabneef osoo hin taane, namni isaan yaadatu waadaa isaaniif kennameen akka fayyadamuufi. Akkuma tolaan yaadatamu sun maqaan isaa bara baraaf jiraatu, warri (abbaan) yaadatu sun ammoo, suga qulqullicha sanaaf kenname ni argata, badiinsa fooniifi lubbuu jalaayis ni baraarama.
• Isa 65:8 Waaqayyo akkas jedha: akkuma wayniin yeroo zalalaa isaa irra jirutti eebbi isarra waan jiruuf hin balleesinaa jedhamu, hundumaayyuu akkan hin balleesineef, tajaajiltoota koofjedhee akkanuma nan raawwadha.
• Fak. 10:7 Yaadannoon tolootaa eebbafidha.
• Mat 10:41 Namni araarsummaa tolootaa, wareegamtootaa ykn qulqulluu tokkoo, hojii inni hojjete eebbaafi fayyina kan argamsiisu ta’uu isaa hubatee, waadaa qulqullicha sanaaf kenname irraa fayyadamuuf maqaa qulqullicha sanaatiin waan gaarii dalage, gatii qulqullicha sanaaf kenname ni argata jedha wangeelli.
Kunis ammoo, hojii yaadannoo qulqullootaa mana kiristaana (ortodooksii) keessatti taasifamuuf caqasa bu’uurati.
Galanni Waaqayyoof haa ta’u. Ameen!

Barumsaa

Qulqulluummaan Maalii?

Leave a comment

Qulqullummaan Maali?
“Qulqulluu” jechuun kabajamaa; adda kan tahe; kan filatame jechuudha. Jechi kuni hundumaa ol kan ibsu Waaqayyooni.
• Isa 6:3 irratti Suraafeel, Qulqulluu Qulqulluu Qulqulluu Waaqayyo Gooftaa raayyotaa dacheen hundi kabaja keen guuttamte jedhanii, galateeffatu turan.
Oulqullummaan Waaqayyoo kan amaluummaati, kan ittiin morkatus hin jiru.
• 1Sam.2:2 kan akka Waaqayyoo qulqulluun hin jiru; kan akka Waaqa keenya tolaan hin jiru. isa malees, qulqulluun hin jiru” jedha.
• Mul’ata Yohaannis 15:3 irrattis, “kan maqaa kee hin kabajne eenyu? Ati qofti Qulqulluudha; hojiin tolooma kees waan ifa baheef, ormootni ni dhufu, fuula kee durattis ni sagadu” jedha.
• Isaayaas 40:25 irratti, egaa akkan ittiin qixxaadhuuf eenyun wal na fakkeessitan jedha qulqullichi” jedha.
• Haati keenya qulqulleettii dubroo Maariyaamiinis ammoo, “egaa amma irraa eegalee, dhalootni hundi kan galateeffamte naan jedhu, jabaa kan ta’e inni hojii guddaa anaaf raawwateeraatii, maqaan isaas qulqulluudha. Luq 1:48-49 jettee ragaa baateerti.
Kanaaf, qulqullummaan amaluummaa Waaqayyoo qofa kan ta’e, gosa uumamaa keessaa kamiifuu kan hin taane, uumamni kabaja hangamiiyyuu qabaatu, qulqullurnmaan isaa kan Waaqayyoon wal hin gitneedha.
Qulqullummaan cubbuurraa fagaachudha.Haa ta’u malee, jechi qulqulluu jedhu uumama qofa kan ibsu osoo hin taane, jalqaba bu’uurri isaa Waaqayyoof kan himamuudha. Waaqayyo ammoo, amaluummaa isaatiin qulqulluudha. Uumamni Inni uumees, akkuma amaluummaa isaanitti qulqulloota ta’anii akka jiraatan fedha.
• Lew. 19:2 “Ani Waaqayyoo gooftaan keessan qulqulluu akkuman ta’e isinis qulqulloota ta’aa”
• lPhex.1:15 “Inni isin waame qulqulluu akkuma ta’e, isiniis hundumaan qulqulloota ta’aa”jedha
Waaqayyo amaluummaa isaatiin qulqulluu fi cubbuun isaaf kan hin taane sadarkaa qulqullummaa isaas, uumamni hangana gaha jedhee dubbachun kan ibsamu miti.
Uumamoota keessa qulqullummaa kanan akka jiraatan Waaqayyoo kan gonfachiise ergamoota fi dhala namaa yoo ta’aan. Qulqullummaan dhala namaa garuu,yakkaafi cubbuu ,Addaam raawwateen kan irraa mulqame yoo ta’u, qulqullummaa isaa duraa sanatti deebi’uuf cubburraa fagaatee, addunyaa cubbuun guutamte kana moo’atee yoo hanga dhumaatti kan jiraatu ta’eedha.
Jecha qulqulluu jedhu kana bakka lamatti qooduun ilaaluun ni danda’amaa.
l. Qulqulluummaa Amaluummaa: qulqullummaa Waaqayyoo qofaf ta’ee dha. Sababni isaas, Waaqayyo amaluummaa isaatiin qulqulluu waan ta’eef

  1. Qulqullummaa Kennaa: Qulqullummaan akkanaa kun kan Waaqayyoo fedha isaatiin uumama isaatiif kennu jechuudha.
    Uumamtoota qulqullummaa kennaa qaban immoo, adda adda qoodnee ilaaluu ni dandeenya. Isaaniis:
    • Ergamoota qulqulluu,
    • namoota qulqulluu,
    • meeshota (mi’oota) qulqulluu,
    • guyyoota qulqulluu fi iddoowwan qulqulluu dha.
    Namoota qulqulluu kan jedhamanis immoo,
    • wareegamtoota qulqulluu,
    • toloota (dhugoomtota) qulqulluu,
    • hayyoota qulqulluu,
    • raajota qulqulluu fi kan biroos jedhamanii addaan qoodamu.
    Egaa sababa kanaaf, wangeela irratti qulqulluu Maatiwoos, qulqulluu Maarqos, qulqulluu Luqaas, qulqulluu Yohaanis, Pheexros, Phaawuloosii fi kkf jechuudhan, maqaa isaani dura jecha ‘qulqulluu’ jedhu aansuudhaan itti fayyadamna.
    Qulqullootni, amantaa isaanifi Waaqayyoof hamma dhumaatti amanamanii, wareegamaniifi maqaa Gooftaa Iyyesuus kiristoosiif jedhanii gidiru arganiifi maqaa isaatiin mootota addunyaa duratti himatamnii yemmuu dhiyaatanitti, soda tokko malee amantaa isaanii dhugaa ba’anii maalummaa amantaa isaanii biyya lafaaf kan labsan akaksumas, raajii baayyee raawwachuun, jireenya isaanii guutuu Waaqayyoon tajaajilanii kan darbaniidha. Kanarraa kan hafes, addunyaa kana tuffachuudhaan, lafa gadaamii) keessatti bineensaa fi qorra diilallu’u danda’anii, Waaqayyoon galateeffachaa kan turan, oduu fi jaalala biyya lafaa kanarraa kan fagaatanidha. Akka barumsa mana kiristaanaatti, Waaqayyoo hojii gaarii qulqullootni kun raawwataniif, guyyaa boqonnaa isaanitti, isaan qofaaf osoo hin taanne firiin hojii isaanii uummata biraas akka fayyadu, waadaa addaa galeefi jira. Waaqayyo qulqulloota akka dhagahufi waadaa isaanis akka eeguuf caqasawwan ibsan keessaa muraasni:
    • Faar. 34: 15 “Iji lamaan Waaqayyoo gara qulqullootaati, gurri lamaan isaatiis gara kadhaa isaaniti”
    • Fakk. 10:24 “Fedhiin qulqullootaa ni laatamtiif’
    • Yaaq 5:16 “Kadhaan nama qulqulluu hojii isheetiin humna cimaa gooti, dirqanus ni raawwatti”
    • Fakk. 15:29 “Waaqayyo cubbamtoota irraa ni fagaata, kadhannaa qulqullootaa garuu, ni dhagaha.”
    • Faar. 140:2 “Kadhannaan qulqullootaa Waaqa biratti akka Ixaanu jaalatamaadha”
    Qulqullootni qulqullummaa isaanii eeganii hangaa dhumaatti yoo jiraatn, Waaqayyo ammoo, kabaja qulqullummaa isaanii kanaan hanga bara baraatti akka ittiin kabajaman ni taasisa. Qulqulluu Phaawulosis ergaa isaa irrati waa’ee kana yemmuu ibsutti,
    • Rom 8:30 “Dursee kan murteeffate isaan ammoo, ni waammate; warra waammate kana ammoo, ni toloomse; warra toloomse kana ammoo, ni kabaje…” jedhee qulqulloonni Waaqayyoon kan waamaman, kan filataman, ulfinnifi kabajni isaanii, isaan kan mirkanaa’eef ta’uusaa ibseeraa.
    Galanni Waaqayyoof haa ta’u, Ameen!
Barumsaa

Cuuphaa Dhala namaa

Leave a comment

Cuuphaa Dhala Namaa
Akka sirna mana kiristaanaa Ortoodoksii Tawaahidootti namni sababii addaa addaatiin osoo hin cuuphamiin umriin isaa kan guddatee yoo jiraate, amantaa biroo keessatti cuuphamee kan dhufe jalqaba barumsa bu’uura amantaafi iccitiiwwan ni barata, baratee booda sirriittii amanuufi amanuu dhiisuun isaa ni qoratama. Kanaan booda sirriitti beekuu fi amanuun isaa eega addaan ba’ee booda akka gaabbi galu taasisama. Gaabbii isaas erga xumuree booda maqaa Abbaa Ilmaafi Afuura Qulqulluutiin cuuphamee miseensa mana kiristaanaa ni ta’a. “Egaa deemaa (dhaqaa) maqaa Abbaa llmaatiin fi Afuura Qulqulluutinis cuuphuun saba hundumaa bartoota koo taasisaa” (Mat. 28:19)
Daa’imman amantootaa garuu dhiira yoo ta’an dhalatani guyyaa afurtama (40) tti, dubartii yoo ta’an garu dhalatanii guyyaa saddeettama (80)tti ni cuuphamu. Kunis maaliif yoo jenne fayyinni dhala namaa hundaaf akkuma ta’e ijoolleenis fayyina argachuuf ni cuuphamu. Yoo dhibeen du’aaf isaan gaaga’u muudate garuu guyyaan kun osoo hin gahin haatii mana kiristaanaa seenuu waan hin dandeenyeef, nama biraatiin geessamuudhaan cuuphamuu ni danda’u. Namni bishaanii fi Afüura qulqulluu irraa yoo dhalate malee mootummaa Waaqayyoo dhaaluu hin danda’u akkuma jedhu. (Yoh.3:5).
Guyyaa afurtammaffaafi guyyaa saddeettammaffaatti cuuphamuun isaanii ammoo; Addamii fi Hewaan bakka itti uumamanii gara Jannata
Eedanitti kan galan Addaam guyyaa 40 tti Heewaan immoo guyyaa 80tti galan waan ta ‘eef fakkeenya kanaan cuuphamu ( Kufaale 4 : 9) Kakuu moofaa keessatti dubartoonni dhiira yoo da’an guyyaa 40ffatti dubartii yoo da’an ammoo guyyaa 80 mana qulqullummmaa seenuun daa’imman isaanii eebbisiisu (Lewo. 12: l). Kakuu haaratti ammoo akkuma Gooftaan daa’imman gara kootti yoo dhufan hin dhoowwinaa jedhetti umurii isaanii caqasame sanatti gara mana qulqullummaa deemuun cuuphaadhaan Sillaasee irraa dhalatanii, dhaaltota mootummaa Waaqayyoo ta’uu isaanii ni mirkaneeffatu eebbas ni argatu. (Maat.19:14, Maar.lO:15, Luqa. 18:16).
Gooftaan umurii waggaa 30tti maaliif cuuphamee kan jedhuuf immoo?
Durummaan gooftaan gara biyyaa lafaa kan dhufee cubbuu hojjechuu gara biyya lafaatti kan dhufee Addamiifi Ijoollee isaa fayyisuufidha. Addaam yeroo ummameetti nama umurii waggaa 30 fakkataa turee yeroo kanas cubbuu kan hin hojjennee qulqulluu turee haa ta’uu malee cubbuu hojjechuun Eeden gannataa keessa ba’eerraa. Gooftaannis umurii akka itti Addaam ummameefi qulqulluu isaa inni tureef waggaa 30tti cuuphame. Addaam inni jalqabaa nama waggaa 30 fakkaatte ummamee cubbuu hojjettee; Addaam inni lamaffaan gooftaan keeenya immoo nama umurii waggaa 30 fakkaatte fayyinaa addamiifi ijoollee isaaf fidee xalayyaa garbuummaa lagaa gordanoos keessas dhabamsisee.
Nutti har’aa umurrii waggaa 30tti cuuphamna jenne osoo umurii waggaa 30 eegnu yoo duunne akkam tannarree? Gooftaannis “Namni bishaanifi afuuraa qulqulluu irraa yoo dhalate malee mootummaa Waaqayyoo hin dhaalu” (Yoh.3:5) jedhee jira. Kanaf nuttis akka seera Wangeellatti dhiira yoo ta’aan dhalattanni guyyaa 40tti; durbaa yoo ta’aan guyyaa 80tti cuuphamuun fooniifi dhiigaa gooftaa fudhattu.
Galanni Waaqayyoof haa ta’u. Ameen!

Barumsaa

Seenaa boqonnaafi du’aa kaa’umsa haadha keenya qulqulleetti dubroo Maariyaam

Leave a comment

Seenaa boqonnaafi du’aa kaa’umsa haadha keenya qulqulleetti dubroo Maariyaam
Haatti keenya qulqulleettin dubroo Maariyaam waggaa 3 mana abbaa ishee fi haadha isheetiitti, waggaa kudha lama (12) mana qulqullummaa, Ji’a sagalii fi bultii shan gooftaa garaatti baattee, waggaa 33 fi ji’a sadii gooftaa wajjin, waggaa 15 Yohaannis abbaa
wangeelaa wajjin, walii gala waggoota 64 tti bara 49 keessa Amajji 21 boqottee Hagayya 14 awwaalamtee guyyaa sadaaffaa isheetti Hagayya 16 du’a keessaa ka’uudhaan gara samiitti ol baate. Akkaataan boqonnaa fi du’aa ka’umsa giiftii keenya Maariyaam baay’ee ajaa’ibsiisaadha. Kanaaf yihudootni mari’atanii reeffa ishee gubuuf waan barbaadaniif yaalii karaa Taawufinaas godhameen harkisaa lachuu yemmuu irraa citu reeffi giiftii keenya Måariyaam immoo hojii Waaqayyoo dinqisiisaa ta’een gara gennataatti ol fudhatamtee muka jireenyaa jala ka’amtee. Yeroo reeffi ishee ol fudhatame kan arge Yohaannis abbaa wangeelaa ture.Yohaannis irraa kan dhaga’aan barattootni reeffa ishee argatanii awwaallachuuf Hagayya 1 subaa’ee qabatanii utuu kadhachaa, tsoomaa jiranii Hagayya 14 gooftaan keenya
reeffa harmee isaatii fidee kenneef. Isaanis gammachuufi faaruu guddaatiin bakka isheef qophaa’e Geetaa seeman iddoo jedhamutti awwaallatan. Gaafa kana bartuun Toomaas hin turre. Guyyaa 3ffaa isheetti akka du’aa ka’umsa mucaa isheetiitti samiitti utuu isheen ol baatuu argee giiftiin keenya waan ta’e hundumaa itti himtee mallattoofi eebbaaf haa ta’uuf jettee kafana ishee Toomaasitti laatte; har’as mirga waaqaa jirti. Far.44(45):-9 Toomaasis lallabaaf iddoo biraa turee gara bartootaa yeroo dhufu akka awwaalanii yeroo itti himan Amajjitti duutte Hagayyaatti akkamitti awwaalchi ta’a, ta’uun irra hin jiru malee yemmuu inni isaan jedhu ati duraanis du’aa ka’umsa ilma ishee mamtee turte kottu amma immoo iddootti awwaalle ilaali jedhanii awwaalicha banan; boo’li duwwaadha. Innis deebiseefii na hin amanantan jedheetan malee yeroo isheen ol ba’aa jirtu argeera jedhees kafana isheen itti laatte itti agarsiisa. Isaanis mallattoof, eebbaaf haa ta’uuf gargar hiratan. Har’as abbootiin fannootti kan isaan hidhatan yaadannoo sanaadha. Akkuma yeroo Eliyaas ol ba’e Elsaayiif kaabbaa isaa gadi darbateefii ture sanarraas eebba guddaa ittiin argatee ture. 2Mot. 2:1
Akkuma marata mataa qulqulla’aa Phaawuloos kukkutanii fudhataa turanii dha. H/erg. 19:11-12 Barattootnis nuti arguu qabna jedhanii waggaatti Hagayya gaafa tokkoo (1) subaa’ee jalqabanii gooftaan keenya kadhannaa isaanii dhaga’ee bartoonni hundiis du’aa kaa’u haadha keenya qulqulleetti dubroo Maariyaam arguu danda’annirruu.
Waangeellis akkas jedha waa’ee du’aa kaa’umsaa haadha keenya:
1: Fars. 131(132):-8 irratti. yaa Gooftaa iddoo aara-galfii keetti ka’ii atii fi manni qulqullumaa kees, taabota kee wajjin jedha. Jechi kun akka du’aa ka’umsa mucaasheetiitti du’a ka’umsa ishee mul’isa.
2: W.Wed. 2:-10-13 jaalallee koo ka’i miidhagduu koo kottu kunoo gannii darbee jira roobi immoo sokkee deemeera; abaabboonni lafa irratti mul’atanii, yeroon weedduus ga’eera, sagaleen gugees biyya keenya keessatti dhaga’ameera; mukti arbuu ija godhachuu jalqabeera, mukti wayniis daraaree urgaa’eera, yaa hiriyee koo, miiidhagduu koo, ka’ii na bira kottu. Gannii darbee jira rrobiimoo sokkee deemera jechuun yeroon godaansa Giiftii keenya Maariyaam yeroo yihuudonni diinummaa irratti ka’an yeroo rakkina fannifamuu mucaasheetii gadduunshee sun darbuusaa agarsisaa. Abaabboonni lafa irratti mul’atan jechuun isaa immoo du’aa ka’umsi lafa irratti lallabamuu agarsiisa. Arbuun laaliseera jechuunsaa immoo adeemsa gaarii kan hin qabne adeemsa gaarii argarsiisuu jalqabaniiru jechuu isaati. Kan waame gooftaa keenya Iyyesuus kiristoos yemmuu ta’u kan waamamte immoo giiftii keenya Maariyaamii dha. lccitiin kun akka Far. 45:-9 gubbaatti barreeffame giiftiin keenya Maariyaam du’a keessaa kaatee har’a mirga
waaqayyoo jiraachuu ishee agarsiisa.
Galanni Waaqayyoof haa ta’u, Ameen!

Barumsaa

kABAJAA qULQULLOOTAA

Leave a comment
Kabajaa Qulqullootaa


Kabaja qulqullootaa jechuun warra Waaqayyoo isa qulqulluutti amananii eebbaa fi ulfina guddaa akka argataniif Waaqayyo kan isaan badhaaseedha.
Jechi qulqulloota jedhu afaan Gi’iiziitiin ቅዱሳን (Qiddusaan) jechuu yemmuu ta’u, afaan oromoottin immoo
• Galateeffamaa,
• Kabajamaafi
• Qulqulluu adda kan ta’e jechuu dha.
Jechi Qulqulluu (ቅዱስ) jedhu hunda dura kan ittiin waamamu ykn kan inni kennamuuf waaqayyo isa jiraataadhaaf. Qulqullummaan waaqayyo kan mataa isaati. Qulqulluun akka waaqayyoo hin jiru. Kitaaba qulqulluu keessatti waa’een kanaa barreeffamee jira. Fkn:
• 1Sam 2:2 irratti harmeen Saamu’eel Haannaan qulqulluun akka Waaqayyoo hin jiru jetteetti.
• S/Ba’uu 15:10 irratti Raajichi Waaqawoo museen qulqullummaadhaan kan ulfaate kan akka Waaqawoo hin jiru jedheera.
• Isa. 40:25 irraatti qulqulluu kan ta’e Waaqayyo eenyuutti fakkeeffama.
• Isa. 57:15 irratti immoo inni bara baraan kan jiraatu waaqa qulqulluu ol.
• Luq. 1:35 irratti humni Waaqa Abbaa si golbooba, Afuurri qulqulluun sirra bula, kan sirraa dhalatu immoo qulqulluu ilma Waaqayyoo jedhama.
• Luq. 1:49 Waaqayyo inni jabaan waan guddaa naaf godhe maqaan isaas qulqulluu dha.
Egaa kannneen kanaaf kana fakkaatan qulqullummaa waaqayyoo kan ibsan heddumminaan barreeffamanii jiru. Akkasumas immoo wantoota garaa garaaf jechi qulqulluu jedhu kennameefii kitaaba qulqulluu keessattii ni argina. Haa jiraatan iyyuu malee, qulqullummaan isaanii Waaqayyo kan mataa isaatii irraa kan kenneefiidha. Fkn.

  1. Jecha qulqullummaa jedhu mucaa namaaf kenneeraa.
    • S.Lew. 19:2, 1Phex. 1:13-15 ani waaqayyo uumaan keessan qulqulluu akkan ta’e isinis qulqulloota ta’aa jechuudhaan.
  2. Iddoo (ቦታ) dhaaf jecha qulqulluu jedhu kenneeraaf. S.Ba’uu 3:-5, Ivyaasuu 5:-25 irratti iddoo ati dhaabbattee jirtu qulqulluu waan ta’eef kophee kee ofirraa baafadhu jechuudhaan.
    • Tulluun gaafa sana fakkeenya mana kiristiyaanaa waan taateef manni kiristiyaanaa immoo iddoo qulqulluu waan ta’eef mana waaqayyootti yemmuu ol seennu kophee miilla keenyaa akka baafannu nu akeekkachiisa.
    • S.Ba’uu 36:1 Waaqayyo ogummaa fi hubannaa Baatsili’eelii fi Oliibaayiif dunkaana qulqulluu waaqavyoof akka hojjetaniif kenneef jedha.
    • 2S. Bara 7:15-16 irratti waaqayyo gooftaan mana qulqullummaa Solomoon ijaare ani filadheera; ani qulqulleesseera; iji koo yeroo hundumaa achi ilaala; gurri koos gara iddoo kadhannaa kana dhaggeeffata jedhee jira.
    • Far. 15:12 irratti mana kee isa qulqulluu sana keessa eenyuutu jiraataa? Jedhee dubbata.
  3. Guyyaa itti boqotee oole qulqulluu akka inni jedhamu godheera.
     S.um. 2:2-3 irraatti waaqayyo guyyaa isa torbaffaa ni eebbise; ni qulqulleesse. S/Lew. 23:3 iddoo jiraattu hundumaatti sanbatni guyyaa waaqayyo qulqulleesse waan ta’eef hojii foonii kamillee hin hojjetin.
  4. Meeshaaleen mana qulqullummaa keessaa waaqayyo ittiin tajaajilamu qulqulluu ni jedhama.
    • S/Ba’uu 30:26 kanan ittiin waaqeffamu dunkaana irraa ka’ee qodaa adda addaa mana koo keessa jiraatan dibata qulqulluu dibuudhaan akka isaan naaf qulqullaa’an goota jedhee Waaqayyo Musee ajaje.
    • Bau. 40:8-16 namni isatti bu’u ni qulqullaa’a ykn qulqullummaa ni argata jedhamee jira. Sirni kun dhalootaa hanga dhalootaattis ni jiraata.
    • Bau. 30:31 kanaaf har’a manni qulqullummaa haaraan yemmuu ijaaramu, qodaan mana qulqullummaa haaraanis yemmuu bitamu, dibatni kun ni dibama.
    • Meeshaa dibata kanaan dibamee qulqullaa’e jireenya dhuunfaadhaaf fudhachuun nama adabsiisa. Dan. 5:1
  5. Nyaata (ህብስት) Qurbaana mana waaqayyoo keessaa namaaf kennamu qulqulluu ni jedhama.
    • 2Sam. 21:4 Lubichi Abemelek Mooticha Daawwitiin Hibistii qulqullaa’e malee nyaata uummatni nyaatu hin jiru ittiin jedhe. Kunis immoo namoota qulqullaa’aniif kan kennamuu dha. Duuka bu’oonni kee qulqullummaa qabaannaan garuu fudhachuu ni danda’u jedhe.
    Egaa walumaa galatti jechoonni waa’ee qulqullummaa dubbatan kanneen kana fakkaatan kitaaba qulqulluu keessa baaveen ni jiru. Qulqullummaan kunis waaqayyoo isa qulqulluu irraa kan kennameefiidha. Waan qulqulluu ta’ee fi hin taanees seera isaa hundumaas ijoollee Isiraa’eeliin akka barsiisu waaqayyo Musee ajajeera. S/Lew. 10: 10
Barumsaa

Du’aafi gosa isaa

Leave a comment

Du’i foonii nama hin sodaachifne hin jiru. Akkasumas immoo xinnos ta’e guddaa, beekaas ta’e wallaalaan, sooressas ta’e hiyyeesi, kan amaneef hin amannee, gantuunis du’a foonii jalaa raawwatee ooluun danda’amu. Egaa du’aa jechuun hoo hiikaan isa maali? Macaafni qulqulluun maal jechuun hiikaa yookiis waa’ee du’aa maalfa ibsa? Mee walumaan haa dubbisnuu!

Macaafni qulqulluun akkas jechuun hiika:

  • Waaqayyoo irraa addaan ba’uu. (Uma. 4:16)
  • Daandii gara Waaqayyoo ittin dhaqan (Fil. 1:21)
  • Hirriba keessa dammaqu (Mat. 9:24, Yoh. 11:11, Luq.8:49)
  • Boqonnaa (Uma. 15:15)

Namoonni hoo maal jechuun du’aaf hiikaa kennuu?

  • Afuura baafachiisa: nama baay’ee rakkatee yeroo inni/ isheen duuttu ittin jedhu.
  • Kutee deemaa: Nama ol guddacha jiruu yeroo inni du’u kan ittiin jedhan.
  • Obbaafachiisaa, gab godhaa: namni hamaan yookiis namni jal’aan yeroo inni du’uu kan ittin wamaan
  • Fi kanneen biro hedhuudha.

Duuti gosa meeqa qaba?

Duuti gosa lamatu jira. Isaaniis:

  • Du’a fooniifi
  • Du’a lubbuuti.

1. Du’a foonii jechuun gargar ba’u fooniifi lubbuu jechuudha. Duuti foonii Abeel irraa jalqabee nama hundaa irratti mo’ee kan jiru eenyuuf illee kan hin hafneedha. Foon kan uffatee hundi kan du’uudha. Kunis immoo Adaam abbaan keenya uumamee waggaa 7 ergaa eddeen gannata keessa jiraate booda innaaf seexanaa irraan kan ka’ee; seexannii bofa irraa buluun Hewwanniin gowwomsee abboommii Waaqayyoo akka cabsaan taasisuu danda’eerraa. Waaqayyoos Adaam nama jalqabattin ati biyyoodha, deebitees biyyoo ni tata ittiin jedhee. (Uma. 3:19) Sana boode duuti foonii dhala nama irraatti mo’eerraa.

2. Du’aa Lubbuu jechuun lubbuun foonitti erga adda baatee booda gara Waaqayyoo deemtee murtoo fudhatti. Erga murtee fudhatee booda waan gaarii hojjetee hin qabdu tannaan yookiis seera Waaqayyoo hin eegne taannan yeroodhaaf gara Ibidaa Si’oolitti gadi buuti. Guyyaa isa dhumaa immoo isarraa kan caalu gara ibiddaa gaannamitti gadi buutee bara baraan achi keessatti dhiphatti, kunis DU’AA 2FFAA’ jedhama. (Rom. 6:23, Mul. 21:8).

Gosa du’a kana lamaan irraa du’ii kan biraan immoo

Du’aa Dhabbiitti (Ijaajjiitti): Innis afuuraan du’uu kan jedhamuudha.

Namni tokko biyya lafaaa kana keessa osoo hojjeetuu, osoo adeemu, osoo jiraatuu, osoo nyaatee dhuguu Waaqayyootti amanee yoo hin jiru ta’e hojii amantiis hojjechaa yoo hin jiru ta’e fayyaatti yookiis afuuratti du’aadha jedhama.

Waa’ee du’aa dhabbiittis macaafni qulqulluu akkas jedha.

  • Kan du’ee du’aan haa awwaalu (Mat. 8:22)
  • Ilmi kook un du’ee dhuma ture (Luq. 15:24)
  • Isin duraan kan duutan turtan. (Efe. 2:1)

Kalleessaa dhalli nama abboomii diduu isaan du’aa of irraatti moosisee ture har’as immoo tannaan yoo na jaallattan abboommii koo eegaa (Yoh. 14:15) kan gooftaan keenya jedhee sana diduun du’aa of irratti fiida jira. Du’ii kunnis du’aa foonii osoo hin tannee du’aa lubbuutti.

  • Duuniifi mootummaan warra du’anii kuufama ibiddaatti gad ni darbataman; kuufamni ibiddaa kun du’a isa lammaffaadha. (Mul. 20:14)

Namni seera beekufi hin beekne yakka raawwatee wal qixee addabaa argataa. (Rom. 2:12-14) Kunis inni kan wallaalummaa irraan kan ka’ee, kaan immoo beekumsa fooniitti hirkachuudhaan, kaan immoo gowwoomsaa hiriyyaatiin, kaan immoo dagannaadhaanifi kan kana fakkataan ta’u danda’aa namni kan inni du’u.

Haa ta’u malee, Waaqayyoo du’aa namaa hin jaallatu. Kanaaf karaa adda addaa barsiisuudhaan akka namni hin duuneef karaa baasee jira.

Kanaaf egaa dhalli nama waan guddaa of taasisu dhiisee, of jajuus dhiisee, waan hojjettuuti Waaqayyoon kadhachuun hojjeechuun irraa jiraata.

  • Mucaan nama akka gaaddisaatti ni darba, hin turus (Iyo. 14:1-2)
  • Waggaan kumni tokko, siif akkuma guyyaa kaleessa darbeeti, akkuma darabee dammaqa halkaniitis. (Far. 90:4)
  • Barri namaa akkuma margaati; akka daraaraa bakkeettis. (Far. 103:15)
  • Namni garaa isaatti yaadee ni akeeka, deebii kan kennu garuu Waaqayyoodha. (Fakk. 16:1, 16:9)
  • Mucaan namaa akka abaaboo coligee harca’uuti. (Isa. 40:6-8)
  • Mucaan nama akka qilleensa shuf jedhuuti, barri jireenya isaas akka gaadidduu darbuuti. (Far. 144:4)

Waaqayyoon nama qalbii jijjiiratee dhaaltu mootummaa isa, hirmattuu maddii isaa nu haa taasisuu.

Egaa namni ogummaadhaan, taayitaadhaan, qabeenyaanfi kanneen birootti maxxannee of jajuu dhiisuudhaan, gara Waaqayyootti deebi’ee, akka tasaatti akka du’u beekuudhaan, waan gaarii hojjechuudhaan, hamaa irraa deebi’ee, qalbii jijjiirate foon gooftaa nyaatee, dhiigaa gooftaa dhuguun qophaa’ee jiraachuutu isa barbaachisa.

  • Namni ogeessi ogummaa isaatiin of hin jajin, inni jabaanis jabina isaatiin of hin tuulin (Erm. 9:23-24)
  • Namni of jaju gochaa gooftaatiin of haa jaju (1Qor. 1:31, 2Qor. 10:17)

Waaqayyoon nuu kakasee kan nu jalqabsiisee nu jalqabsisee kan nu xumursisee galanniifi ulfinni oqubaan bara baraa isaaf haa ta’u. Ameen!

Barumsaa

Iccitii Qurbaana

Leave a comment

Iccitii Qurbaanaa
Qurbaana jechi jedhu Jechaa Girik yeroo ta’u hiikni isaas
• Kennaa
• Aarsaa
• Mabaa
• Balchaa
• Qabeenya waaqayyoof dhiyaatu jechuu kan ibsuudha.
Akka seera kakuu moofaa keessatti Israa’eeloonni cubbuu isaaniif Waaqayyo akka araaramuuf (dhiisuuf) kan dhiyeessan aarsaa qurbaana ture.
Kakuu haaraa keessatti qurbaanni aarsaa waaqayyo ilmaan namaaf dhiyeesseedha.
Kakuu haaraa keessatti qurbaanni dhiigaafi foon gooftaa keenya I/Kiristoosiidha. (Yoh. 6:35, 1Qor. 5:7)
Kunis guyyaa kamisaa galgalaa kan jalqabeedha,( Mat. 26:26-28, 1Qor. 11:23-24) irratti kana yaadannoo kootiif godhaa jechuun isaa gidiraan ani fannoo irratti arge hunda, addunyaa maarri akka itti fayyuuf fooniifi dhiiga koo isinii kennuu koo yaadadhaa jechuu isaati, malee dhiignifi foon gooftaa nuti fudhannu, kan fayyina bara baraa itti argannu malee yaadannoof goona jechuu miti.
Fakkeenyummaa Iccitii Qurbaana kakuu Moofaa keessatti
Bara seera kakuu moofaatti abbootiin
• Beeyladoota irraa aarsaa (Ba’u. 29:39, Lew. 7:20 -30, Far. 49:8, 1Mot. 18:32 – 38)
• Miidhaan irraa ammo qurbaana qopheessuun Waaqayyoof aarsaa dhiyeessa turan (Kuf. 5:1)
Kunis kan qophaa’u guyyaa sanbataafi guyyaa ayyana gara garaatti ture.
Hangafti lubootaa jalqaba cubbuu isaaf itti aansuun cubbuu uummataaf kadhata (Ibro. 7:27)
• Aarsaa Malkatsedeqii (Uma. 14:18-21, Ibro. 7:1, Ibro. 10:4)
• Hoolaan faasikaa akka fakkeenya qurbaana kakuu haaraatti fudhatamu. (Ba’u. 12:3-6)
Qurbaana kakuu haaraa keessatti
Ilmaan Waaqayyoo erga taaneen booda jaalalaan, fooniifi dhiiga isaa, qurbaana qulqulluu nu hunduu akka kabajamnuuf jecha warra amananiif fayyina jireenyaa kan argamsiisuudha.
Aarsaan kunis bara hanga baraatti hin jijjiiramuu kanaafis ‘Aarsaa wangeelaa’ jedhamee waamama.
Qulqulluun Phaawuloosis kanumaaf jechaa ‘Warra qulqullaa’uuf jiraniif hanga bara baraatti kan ta’u aarsaa takkittii dhiyeesse.’ (Ibr. 10:14). Kanaaf foon isaafi dhiigni isaa hardha mana Kiristaanatti yeroo hundaa ni qophaa’a, jijjiiramees nyaataafi dhiiga gooftaa I/Kiristoos ni ta’a, lubootnis maatii waaqayyoof ni kennu.
• Yeroo hundaa kan isa hin nyaannee jireenya bara baraa waan hin qabneef. (Yoh. 6:53)
• Kan isarraa nyaatu hin beela’us hin dheebotus (Yoh. 6:35)
Gooftaan keenya I/Kiristoos “Ani kanan isiniif laadhu biddeena Museen isiniif kennu miti kan ani isiniif laadhu buddeena jireenya kan barri hin dangeessine kan guyyaan hin jijjiireedha… kanaafuu Namni dhiigaafi foon koo fudhate bara hanga baraatti ni jiraata” (Yoh. 6:31)
Kennaan Qurbaanan argamu:
• Cubbuu irraa nama dhiiqa (Ibro. 9:14)
• Jireenya bara baraa laata. (Yoh. 6:53, Rom. 11:21-24)
• Haqamaa cubbuu laata. (Maat. 26:17, 1Qor. 10:17)
• Luugama cubbuu ta’ee tajaajila, kennaa afuura qulqulluu waan nu laatuuf cubbuu ni laganna. (1Yoh. 6:53-55)
• Gidiraa gooftaa irra ga’e nama yaadachiisa. (Luq. 22:19)

Barumsaa

Inni waan jal’a hojjetu, jal’aa dhuma isaa haa hojjetu

Leave a comment

Maqaa Abbaa kan Ilma kan Afuura Qulqulluu Waaqa tokkoon Ameen. Maatiiwwaan Waaqa, Kiristoos kiristanaa kan jedhamtaan, Ijoolleen haadha keenya qulqulleetti dubroo Maariyaam bakka jirtaan hundaatti nagaan, araari, ayyaanni Waaqayyoo isiniif haa baay’atuu. Qulqulluun Yohannis mul’ataa isaa keessatti boqonaa 22: 11 irratti ‘Inni waan jal’aa hojjetu, jal’aa dhuma isaa haa hojjetu; inni xuraa’aan, ittumaa of haa xureessu; inni waan qajeelaa hojjetu, qajeelaa dhuma isa haa hojjetu; Inni waaqayyoof qulqullaa’e, isumaaf haa qulqullaa’u!’ jechuun ergamaan Waaqayyoo itti dubbatee. Sagaleen kun baay’ee kan nama sodaachisuu ta’uus garuu duraa sagallicha beekun badiisaa nama ni olchaa. Namni jal’innaa hojjetu gara qajeellumaatti, inni qajeelaa hojjechaa jiruu immoo akka itti fufuu ta’uudha.

Kan seeraa osoo beeku seera cabseefi kan seera osoo hin beekin seera cabsee wal qixaa adabama. Raajichi Daani’el raajii ergamaan itti hime macaafa kana cufi (Daan. 12 : 4) ka’ii malee hin baniin yeroon isaa hin geenye ittin jedhee, Qulqulluu Yohannisiin garuu yeroo ga’ee waan jiruufdubbii macaafa kana hin cufin ittin jedhee. (Mul. 22:10).

Waa’ee dubbii kana waan baay’ee barreessun ni danda’amaa garuu, caqasaa isaa arguun iyyuu waan guddaadha. Waaqayyoon nama sagalee isaa dhaga’ee lapheetti qabachuun dhaltuu mootummaa isaa hirmatuu maddii isaa nuu haa taasisuu. Galanni Waaqayyoof haa ta’u, Ameen!